ضحكة صفرا ... وضحكة بيضا
ضحكة رايقة
وضحكة تانية مش سعيدة
ضحكه هادية وفيها نور
وضحكة ضلمة
مالهاش نهار .. مفيهاش ونيس
حتى نهايتها مش اكيدة
ضحكة تصبر عالجراح
ضحكة ترسم اللى راح
ويعيش ماضيها او يموت
ماسكة ذكراها العنيدة
ضحكة عايش وفيها روح
والشفايف فيها ترسم
احلى وش ندِى وصبوح
واقفة للزمن سعيدة
وضحكة ماتت من زمات
ضحكة موتها اللى كان
ضحكة دابت فى الالم
وماعندهاش ضحكة جديدة
ليست هناك تعليقات:
إرسال تعليق
اترك تعليقك